"ISLAM MUISAM TAKTAK" Cauk Konglam Tawi

“Islam Muisam Taktak” (The True Image of Islam) cauk hi Islamic Center of Myanmar ah lutlai a a tuanmi i Religion for Peace Myanmar dirhtu chungtel pakhat zong a simi Khalifas U Aye Lwin nih a tialmi, cauk pante, Salai Ram Hlei Thang le Salai Van Cung Lian nih Laiholh in an lehmi a si. Islam kong theih a duhmi mipi zaran, saya le siangngakchia hna nih ingeih phu cauk pakhat a si. Islam Muisam Taktak (The True Image of Islam) cauk hi cauk in a chuak hlanah capar rak chuah hmasa asi, cu capar cu Islam he pehtlai in asilo deuhmi konglam tete a tialmi cauk pakhat kha lehnak le fianhternak caah rak tialmi a si. Cucu, Ko Naing Aung Min min in rak chuah a si.

Islam Muisam Taktak hi Myanmar Muslim Zatlang Bu (Myanmar Muslim Social Netword) le Mizzima Mizo Bu (Mizzima Youth Network) hna sin in nawlnak aum caah avoihnihnak cu chapchihmi tete he chuah a rak si than. Atu laiholh in lehmi hi avoithumnak edition lehmi a si.

Islam Muisam Taktak cauk catialtu taktak cu Khalifas U Aye Lwin a si i annih hi Religion for Peace Myanmar cofounder a si pinah Islamic Center of Myanmar ah Lutlai (Governor) zong a si. Annih hi ramelng le ramchung biaknak lei biaruahnak tampi hna ah catluang a chuahpimi a tam ngai cang. Myanmar ram chung biaknak lei riantuannak hrimhrim ah bochan tlak Muslim scholar pakhat a si. Khalifas U Aye Lwin i a capar cheukhat, online ah rel khawh a ngahmi, hna cu atanglei bantukin an si:

1. Religion, Security and Co-Existence in Myanmar: An Islamic Perspective READ HERE

2. Welcoming the Other in Myanmar READ HERE

3. Security and Co-Existence? Seeking Peace for Myanmar Along Interfaith Lines READ HERE 

Islam Muisam Taktak Cauk ah Zei Kong Dah Abik In Aa Tial?

Islam Muisam Taktak cauk hi Islam kong ah a diklomi konglam tete fianhternak caah rak tialmi a si nain hi cauk chung ahhin Biaknak (religion), Miphun (Nation, Nationalism), Islam biaknak le zalonnak, Islam biaknak ah thitumnak kong, Science le Cosmology kong hna zong fiangfai taktak in aa tialmi hmuh khawh a si. Cupinah, Cawkhrup Mibu (Plural Society – biaknak, miphun le holh le ca phunkip umnak mibu) ah ikhahlonak lakah rualremnak abiapitnak, Ikhahlonak theihthiam cohlannak (tolerance) abipitnak tibantuk in nuncan ziaza lei kong zong tam lak te na hmuh lai. 

Hi Cauk Hi

Hi cauk hi ‘Dawtnak, Daihnak, Ruanremnak, Rualremnak Le Cohlannak Karhtertu Sihram Ko Seh”.

Ashoka Lungca (Ashoka’s Rock Edicts)

“Mah biaknak lawng hlorh in midang biaknak soiselnak kha va tuah hlah. Culawng silo, midang biaknak a thatnak le a dawhnak kha va upat in va hlorh piak hna. Cuti na tuahnak nihcun na biaknak cu a thanchoter i midang biaknak zong a bawmhchanh. Cuti na tuah lo asi ahcun, na biaknak thlan nangmah nih na cawhpiak bantuk asi hleiah midang biaknak harnak na pek zong asi. Mah biaknak lawng a thangthat i midang biaknak a soisel mi hna nih mah biaknak lawng upatnak lungthin he ‘ka biaknak ka ceuter lai’ ti ruahnak he an tuah cu a hmaan ko. Asinain, cubantuk tuahsernak ruangah an biaknak cu a tumchuk chin lengmang. Cucaah, dawtnak rualremnak cu a sunglawi. Mi vialte hna, hihi philh hlah u, biaknak dang zumhnak kha upatnak he va ngai uh.”(Islam Muisam Taktak, 2015, cahmai 103, catlangbu 1).