"Islam Muisam Taktak" Cauk Thar A Chuak Cang

Islam Muisam Taktak

Myanmar Muslim scholar Khalifas U Aye Lwin tialmi “The True Image of Islam” cu Salai Ram Hlei Thang le Salai Van Cung Lian nih Laiholh in an leh i nihin May 20, 2015 ah cauk in a chuak cang. Yangon, Kalay Myo, Hakha, Thantlang le Conthia hna ah cawk khawh asi cang. 

Cauk Cawk Khawhnak

Hakha:

     Lairam Dawr

     Phone: 07021739

Thantlang:

      Chinland Computer

      Phone: 097316853

Conthia:

     Salai Ram Hlei Thang

     Phone: 09259200108

Kalay Myo:

     Pu. Van Bawi Lian

     09400503511

Yangon:

     Salai Christ Lian

     Phone: 09975205218

     Phone: 09471177152

Islam Muisam Taktak cauk hi cauk fate asi i a zaang, a pan ngai i cahmai tlawmte asi caah a chungum cafang a tlawm, cauk i a phaw muicuang cu a dawh lo nain kilvengtu phawtha ai hruk. Harnak ruahpi a ing kho i hrawkhraltu thlicia nih a chimh kho lo. Hawhra cu a raang, catlap cu a rang, nain hi cauk phaw nih a khuhmi cauk chungum biafang hna cu hrawhra le catlap pahnih hna hmanh in a let tampi in a raang deuh i a kik tukmi tikhal nain a kik deuh. Hi cauk na ngeilo hmanhah a chungum theihngalhnak hna na ngei ahcun a za diam.

October thla 2014 ah “The True Image of Islam” timi cauk tialtu Muslim cathiam le catialthiam scholar Khalifas U Aye Lwin he Judson Research Center, Myanmar Institute of Theology (MIT) ah kan iton. Cu kan itonnak thawkin hi cauk pante hi leh hram kan thawknak asi. Annih hi Judson Research Center nih a tuahmi Master of Arts in Interfaith Dialogue Programme ah cachimtu (lecturer) pakhat a si i Islamic Center of Myanmar ah Convenor (Lutlai) a tuanmi zong a si pinah Interfaith Council asiloah Religion for Peace Myanmar (Myanmarram Daihnak Caah Biaknak Bu) a dirhtu hna lakah ai telve mi hruaitu tha pakhat zong a si. Religion for Peace hi valeicung ram tampi ah cawlcanghnak hma a la chuahmahmi zatlangbulei thanchonak le daihnak aa hmaithlakmi asi.

Hi cauk “Islam Muisam Taktak” ahhin vawleicung catialthiam, chanbiathiam le mifim tampi nih Islam konglam he pehtlai in theih an duhmi konglam tete pawl fianhternak tampi a um i Islam biaknak tungtlang le muru hna cu fiangfai tein langhter a si.

Careltu Hna Sin Nawlnak: Lamtlinlonak Tampi A Um

Islam Muisam Taktak cauk ah careltu hna kan tlamtlinlonak tampi nan van hmuh lai. Cucaah, careltu dihlak nih nan rak kan theihthiam naklai kan in nawl hna.

Islam Muisam Taktak timi cauk chungah ‘Biafang’ palhmi tete sisih, cun ‘Chungum’ (Contents) tialmi ah palhmi tete si hna seh, Laica ‘T’ kongah ifiang a harmi tete a um caah ca nan rel tikah theihfiannak hnorsuantu an si sual hnga lo tuaktannak nan kan hmanpiak naklai zong kan in nawl hna.

Hi cauk hi a tlamtlinlonak vialte cu calehtu santlailo asi. Kan chambaunak le palhnak kongah ruahnak le siaherh zong nan rak kan cheuh kho ahcun kan ilawm tuk lai.

Cauk cawktu unau, nu le pa, le hawidawt vialte hna cungah lunglawmhnak chim cawk lo kan ngei. Palhnak tampi a um lai caah calehtu hna sinah ruahnak le siaherh chim khawh asi.

>>>>>> "Islam Muisam Taktak" cauk kong tamdeuh theih aduhmi nih "Kahin Hmetpiak" in rel khawh asi.