Myanmar Muslim scholar Khalifas U Aye Lwin tialmi “The True Image of Islam” cu Salai Ram Hlei Thang le Salai Van Cung Lian nih Laiholh in an leh i nihin May 20, 2015 ah cauk in a chuak cang. Cauk dawr belte ah cawk a ngah rih lo. Caan tlawmpal chungah ramchung he, ramleng he a rel duhmi nih cawk le rel kho dingin phawtzamh asi lai.
Islam Muisam Taktak cauk hi cauk fate asi i a zaang, a pan ngai i cahmai tlawmte asi caah a chungum cafang a tlawm, cauk i a phaw muicuang cu a dawh lo nain kilvengtu phawtha ai hruk. Harnak ruahpi a ing kho i hrawkhraltu thlicia nih a chimh kho lo. Hawhra cu a raang, catlap cu a rang, nain hi cauk phaw nih a khuhmi cauk chungum biafang hna cu hrawhra le catlap pahnih hna hmanh in a let tampi in a raang deuh i a kik tukmi tikhal nain a kik deuh. Hi cauk na ngeilo hmanhah a chungum theihngalhnak hna na ngei ahcun a za diam.
“Islam Muisam Taktak” (The True Image of Islam) cauk hi Islamic Center of Myanmar ah lutlai a a tuanmi i Religion for Peace Myanmar dirhtu chungtel pakhat zong a simi Khalifas U Aye Lwin nih a tialmi, cauk pante, Salai Ram Hlei Thang le Salai Van Cung Lian nih Laiholh in an lehmi a si. Islam kong theih a duhmi mipi zaran, saya le siangngakchia hna nih ingeih phu cauk pakhat a si. Islam Muisam Taktak (The True Image of Islam) cauk hi cauk in a chuak hlanah capar rak chuah hmasa asi, cu capar cu Islam he pehtlai in asilo deuhmi konglam tete a tialmi cauk pakhat kha lehnak le fianhternak caah rak tialmi a si. Cucu, Ko Naing Aung Min min in rak chuah a si.
No comments:
Post a Comment